HE UAUA TE UTU I TŌ NAMA?

Kei konei tō mātou tīma ki te āwhina atu. E mārama ana mātou he wā ōna ka uaua te utu i ō nama. He huringa wawe pea i pērā ai, he wero mauroa rānei, ā, ko tātou katoa ka tūpono pāngia. He take kē ā tēnā, ā tēnā, ka mutu kei te hia rongo mātou i ō kōrero.

Waea mai ki tō mātou Tīma Here to Help, ki 0800 630 002, ā, mā mātou koe e āwhina kia kitea ai te urupare utu e tika ana mōu e pai ai tō aro ki ngā take nui i tō ao.

NGĀ ĀWHINA KA TAEA E MĀTOU

Ka whakapā mai ana koe, ka:

  • Whakaritea tētahi mahere e hāngai ana ki tō āhua noho.
  • Matapaki i te whakaritenga o ngā utu ā-wiki, ā-ruawiki, ā-marama rānei kia māmā ake ai te mahi whakamahere pūtea.
  • Whakaū i te pai o te mahere mō ngā matea o tō kāinga tūtahi.

I a koe e mahi tahi ana ki a mātou, e ū ana mātou kia:

  • Mau tonu ō ratonga.
  • Kaua e whakawhiti i tō nama ki tētahi umanga kohikohi.
  • Āwhina i a koe kia iti ai tō nama, tae ana ki te whakahoki i ngā utu pēnei i te motu, te tūhono anō me ngā utu takaroa.
  • Tuku i ngā tautoko takitahi mai i tētahi nō tō mātou tīma Here to Help.

TŪTAKINA TE TĪMA

Ka mahi tahi tō mātou tīma Here to Help ki te kimi i te urupare tika. He mea nui ō kōrero ki a mātou, me te aha, kei te hia rongo atu mātou. He mea nui ki a mātou ā mātou kiritaki, ā, kei te hia whakakore mātou i te kohukitanga o te whakahaere nama, utu anō hoki.

WHAKAPĀ MAI
Mehemea kei te hia āwhina koe ki te whakapā mai, ka taea te whakamana i tētahi atu ki te kōrero mai māu. Ko ngā kiripā whai mana ka taea, ko he mema o te whānau, he hoa, he umanga ā-pāpori rānei. Mēnā kei te pīrangi kōrero mai koe i tētahi atu reo i tua atu o te reo Ingarihi, mā mātou koe e āwhina. Tēnā whakapā mai ki te whakarite i tētahi kaiwhakawhiti reo.
WAEA MAI

E wātea ana tō mātou tīma mā 0800 630 002, Mane - Paraire, 8.30 i te ata - 5.00 i te ahiahi.

ĪMĒRA MAI

Īmēra mai ki a mātou ki heretohelp@mercury.co.nz.

 

ĒTAHI ATU RATONGA KA TUKU ĀWHINA

I ia rā, ka mahi tahi tō mātou tīma ki ētahi umanga e taea ana te āwhina atu. Ki te whakaae mai koe, ka tūhono mātou i a koe ki tētahi, ki ētahi rānei o ō mātou hoa kōtuinga ki te tuku i ētahi atu tautoko, ārahitanga anō hoki. Kāore ngā ratonga katoa i te wātea i ngā hapori katoa, engari kaua e māharahara. Ka āta whai mātou ki te āwhina i a koe, ā, ki te kimi i tētahi ratonga mōu.
Money Talks

Ka āwhina i te tangata ki te pōkai i ngā hātepe me ngā whakawhiwhinga, ā, ka tautoko hoki ki te whakahaere pūtea. Peka atu ki moneytalks.co.nz.

Debt Relief Foundation

Ka whai ki te āwhina i a ngāi Aotearoa kia turaki i ngā nama whakararuraru me te kore e whakawā atu. Peka atu ki debtrelief.org.nz.

EnergyMate

Ka tuku i tētahi ratonga pūngao rō-kāinga, utu-kore i ētahi rohe puta noa i Aotearoa. Peka atu ki energymate.nz.

Good Shepherd

Ka tuku i ētahi taurewatanga itareti-kore mō ngā rawa waiwai me ngā tautoko i te wāhi ki ngā nama nui rawa. Peka atu ki goodshepherd.org.nz.

Money Sweet Spot

Money Sweet Spot Ka tuku i ngā taurewatanga whakatōpū nama hei tautuhi anō i te taha ahumoni. Peka atu ki moneysweetspot.co.nz.

Christians Against Poverty

Ka tuku i ngā tautoko nama ā-ringa, e taea nei nā ngā kōtuitanga ki ngā whare karakia ā-rohe 46. Peka atu ki capnz.org.

Age Concern Auckland

Ka tuku i ngā ratonga me ngā momo tautoko motuhake mō te hunga pakeke ake i te 65 tau. Peka atu ki ageconcernauckland.org.nz.

TE KAUPAPAHERE MANAAKI KIRITAKI

Mō ētahi whakamārama anō e pā ana ki tō mātou takohanga ki a koe, tēnā pānuihia tā mātou kaupapahere.